Shino hatha ?!!

when i saw the pics i said ...
hathy zbala ok bs el3esh
ga6ena feha wala 6ab5ena feha !!!!!!!

est'3farallah ya raby

لا تضيعنـي - 3

نرجع لمشرف مره ثانيه... غرفة فاطمه منظرها واهي بعدها تتقلب بالفراش جنها تحلم

وتحس بايد تطق على جتفها وتنادي اسمها.. كانت اختها ندى

ندى: فطوم .. فطوم يلا غدا مابتقومين

فاطمه تبطل عيونها شوي شوي واتوخر شعرها عن ويها: صباح الخير

ندى: هههههههه صباح الخير شنو!! الساعه 2 الحين

فاطمه تقوم وتعدل نفسها: والله ماحسيت بروحي استغفرالله ماصليت ..( تحك عينها) حطو الغدا؟

ندى: بيبرد بعد ..

ويدخل عليهم عبدالله (اخوهم العود) : لازم نموت يوع يعني احنا؟؟!! ناطرين وانتو هني تسولفون

فاطمه: كا بقووم يلا نزلو انتو خل اصلي والحقكم

عبدالله: وماصليتي؟!!! لا تغدينا اليوم يبه انا بنزل يوعان ..( وراح)

ندى: والله شكلي بلحقه انتي مطوله .. (وطلعت من الغرفه)

فاطمه: مالت عليكم اقوم بس اصلي وانزل اتغدى ..

وقامت فاطمه غسلت وصلت ونزلت ودخلت الصاله سلمت وقعدت على طاولة الطعام وتاخذ صحن تحط لها اكل ..

فيصل(ابوهم): ها فطوم يبه شسويتي بامتحانج اليوم .. احصاء عدل؟

فاطمه: ايي يبه تكفه لاتذكرني

سعاد: شفيج الصبح قلتيلي سويت زين

فاطمه : اهو زين بس الله يستر

عبدالله : لا خلج على كلمه وحده زين.. ولا الله يستر اذا مهببه قولي عادي ترى

ندى: هههههههه لا ماعليك منها تسوي جذي تخاف من العين

فاطمه: اقول اذا فيج خير راويني ودخلي الجامعه ودرسي وتخرجي .. انتي الثنويه وللحين تزحفين فيها

ندى: والله كيفي ازحف اركض انا ودراستي كيفي

فيصل: لا مو بكيفج شدي حيلج وخلصي ولحقي اختج

سعاد: أي والله ندوي شدي حيلج يمه

عبدالله: يمه ترى ندى شاطره واذا سقطت ترى العيب مو فيها العيب بالمنهج

الكل: ههههههههههههههههههههه

فاطمه تتطنز: انزين استاذ عبود ممكن تفهمنا شلون؟؟؟

عبدالله يكمل: احم احم الله يسلمج مخ اختنا المصون فوق حدود المنهج .. يعني عبقريه ماشاءالله عليها ومو من مستواها هالكتب والخرابيط.. (ويلتفت على ابوه).. اقول يبه؟

فيصل: هلا يبه

عبدالله يتطنز: شرايك ندز ندى تكمل الثنويه بره الكويت

فيصل وماشي مطنزه مع عبدالله: شي حلو .. بس وين تقترح؟؟

عبدالله يرجع لورا يعني يفكر: امممممممم والله الربع يمدحون سيلان !

الكل ضحك وفاطمه غصت من الضحك وليلى تطقها على ظهرها الا ندى اللي ودها تقوم تموت عبدالله بس سوت روحها مو مهتمه لانها تدري بعبدالله ما بيخليها بحالها واذا قالت كلمه بيسكتها بعشر وفاطمه بتعاونه فتظل ساكته وتاكل احسن ويرن تلفون عبدالله ....

عبدالله والاكل بحلجه: الووووووو

سعود: ياكبرها بحلجك ابلع اللقمه اول بعدين تكلم

عبدالله : ههههه هلا والله سعود شخبارك حبيب قلبي

فاطمه هني قلبها طلع من مكانه يوم سمعت اسم سعود ووقفت عن الاكل وقعدت تسمع كلام عبدالله

عبدالله قام عن السفره ويكمل: اليوم ؟؟ والله مو اكيد اشوف

وعيون فاطمه تلحقه واهو قايم لييما راح الصاله الثانيه..

سعود: ليش؟؟ تكفه عبدالله لاتصير بايخ الشباب كلهم بيوون

عبدالله: ولايهمك بشوف بس انت تقول عندك دوام عصر اليوم متى بتطلع؟ متى بتيي؟

سعود: شدعوه خو اهو عشا ارد البيت ابدل واييكم

عبدالله : على خير ان شاءالله بس اقول سعوود .. لاتقولون حق خالد ان يي تر..

سعود يقاطعه: عبود لا تصيير ياهل عاد ... خلود بيي ومانبي مشاكل ياخي تجنبه على مانخلص قعدتنا

عبدالله: افففففففف ماشتهيه سعود ماطيقه هالانسان سخييييييف

سعود: سخيف سخيف بس ولد خالنا.. وبعدين لاتنسى خالي يوسف بيكون موجود واهو اصلاً معاهم بالبيت بعدين مو حلوه يسمع كلنا طالعين ومو قايلين له مالنا خلق مشاكل مع خالي مبارك

عبدالله: على قولتك ..بس السالفه مدام فيها خالي يوسف عيل بيي

سعود: حلوو تعجبني جذي .. خلاص نلتقي اليوم؟

عبدالله واهو راد للغدا وفاطمه عينها معاه: على خير حبيبي يلا مع السلامه

وقعد يكمل غداه وامه سألته..

سعاد: سعود شيبي ؟

عبدالله: لابس يقول اليوم بيروحون يتعشون بالشاليه

ندى: يابختكم مو احنا بيت خالتي ليلى

فيصل: هاا اليوم بيت ام سعود

سعاد: أي والله من زمان ما تيمعنا هناك .. والله ذكرتني قالت لي دقي على حصه ولا دقيت

فيصل: حصه اختي؟

سعاد: ايي

فيصل: بس حصه مسافره جنه

سعاد: وين مسافره!!

فيصل: جنه البحرين!

سعاد: لا ما سافرت باجر بيمشون

فيصل: ايي حسبت سافرت

فاطمه: يابختها عمتي حصه كل اسبوع سفره

سعاد: بعد على شغل ريلها

حصه زوجها جاسم يصير ولد عمها واهو تاجر كبير يموت بشي اسمه اراضي وعقارات وبيروح البحرين لانه في مشروع سكني بيروح يشوفه، وفي بيت جاسم وحصه ....

حصه عالغدا: انزين حبيبي متى بنرد؟

جاسم: والله على الشغل هناك اذا خلصنا مبجر نرد ..( يقوم من على الطاوله) .. الحمدلله تسلم ايدج حبيبتي

حصه تبتسم: الله يسلمك عمري عليك بالعافيه بس ماكليت!

جاسم: حرام عليـــج والله طفحت الحمدلله ... هالسلطه كثري منها عجبتني وايد

حصه واهي قايمه تشيل الصحون من عيوني الثنتين صحه وهنا يا رب

جاسم واهو يشيل معاها: تسلم عيونج يالغاليه

وراحو المطبخ .. جاسم حبوب وااايد ويموت بحصه ومدللها على الآخر ويخاف عليها موت صار لهم 6 سنين من تزوجو بس للحين ما يابو عيال ماكان في سبب بس كل شي بايد الله سبحانه وتعالى .. ويرن تلفون حصه ..

حصه وايدها كلها صابون: تلفوني .. (وتغسل ايدها تاخذ التلفون و تطالع الشاشه) .. هذي سعاد مرت فيصل .. (وترد) الووو

ليلى:الو هلا والله حصه شخبارج

حصه: هلا ام عبدالله بخير عساج بخير حبيبتي

سعاد: لايكون تتغدون اشوفج تاخرتي على ما رديتي

حصه: لا خالصين بس كنت بالمطبخ اغسل الصحون

سعاد: ويي حصه مادري متى بتسمعين الكلام وتيبين شغاله

حصه: حق منو ليلى انا وجاسم بالبيت بس وانا فاضيه لا شغل ولاشي خليني اتسلى

سعاد: الله يعطيج الصحه والعافيه .. عيل ماطول عليج اليوم ترى القعده بيت ليلى مو تخلييين

حصه: ان شاء الله

سعاد: يلا مع السلامه

حصه: الله يسلمج

جاسم واهو ينشف ايده بالفوطه: شسالفــــه؟

حصه: سعاد مرت اخوي تقول اليوم القعده بيت ليلى .. ميخالف اروح؟

جاسم: اييي حبيبتي روحي اكيد استانسي... تبين اوصلج ولا تروحين بسيارتج؟؟

حصه: لا مابي اعنيك اروح انا وانت توكل على الله .. (وتحط ايدها على خصرها) خلصت الصحون ولا مثل عوايدك خليت نصهم

جاسم : لا ماما يسوي كل شي مزبوط صهن غسليه سوي فوطه نشفي حطي كبت

حصه: ههههههههههههههههههههه حبيبي ريلي الشاطر

جاسم: ايي قصي علي بجم كلمه حلوه

حصه بدلع: شدعوه جسوووم

جاسم: يا روح جسوم يا عيون جسوم انتي

حصه وخدودها شبت من الحيا: بس عاد والله استحي

جاسم يمسك ايدها ويحبها: وانا اموت فيج لما تستحين .. حصوووه ؟

حصه: ههههههههه عيوني

جاسم يصرخ: احبببببببببببببببببببببببببببببببببببج

حصه: ههههههههههههههههههه بس والله الجيران سمعو

جاسم: خل يسمعون مو زوجتي حلالي

حصه: اكيد حلالك وملكك انت وبس وبس وبس

جاسم ويطالعها بنظرة حنان: الله يخليج لي ولايحرمني منج

حصه: ويخليك لي ولايحرمني منك يارب

ايي ادري ريل حصه يهبل ومافي مثله صج صج صج قليل هالايام تحصلون نفسه وحصه بعد خوش وحده سنعه وحنونه وقلبها طيب ..

:: يتبــع ::

¦¤~ لاتضيعنــي ~¤¦

ومشت فاطمه بطريجها وتحك على كلام ريم وساره، بينها وبين نفسها مستانسه وايد لان اخر قعده كانت بيت ليلى من 3 اسابيع لانهم كل اربعا يقعدون بيت وحده من الخالات والخميس قعدتهم الالزاميه بيت خالهم العود وتذكرت الخميس اللي طاف لما دخل سعود يسلم على خالاته مع اخوها عبدالله وقعدت تتذكر شكله ماشاءالله عليه طويل وجسمه مليان ومقفل وعيونه سود واهو اسمراني شوي كان مزيون وشغلت فاطمه مطربها المفضل عبدالمجيد اغنية تشطر عاد وافهمها وقعدت تغني معاه " متى عينك تناديني متى قلبك يحس فيني ياخوفي تروح انا سنيني تشطر عاد وافهمها اخاف تكون فاهمني وبس ودك تتعبني عشاني قول ريحني احبك يلا افهمها .. احبك احبك يعني مو داري"....

وصلت فاطمه البيت وقطت روحها على الغنفه وتفصخ شيلتها .. البيت فاضي بس صوت امها من الصاله الثانيه مبين تتكلم بالتلفون قامت تتسحب شوي شوي صوب الصاله الثانيه ....

سعاد(ام فاطمه): حياة والله ماعندج سالفه انتي متى بتكبرين عندج ولد ماشاءالله صار ريال وانتــ...

حياة: لاعت جبدي سعاد من هالريل شسوي فيه مايحس مايحس الله يسامح ابوي اهو السبب

سعاد: الله يرحمه بعدين هالسالفه خلصنا منها ..( تلاحظ فاطمه دخلت الصاله) .. حياة خلاص نتلاقى بيت ليلى اليوم ونكمل كلامنه يلا مع السلامه وتسكر

فاطمه: جان اشرتيلي يمه ان في مكالمه خاصه اروح عادي (وترجع لي ورا يعني بتطلع)

سعاد: لا بالعكس تعالي انا ابي افتك انبح صوتي وانا اكلمها من الصبح مشاكل

فاطمه: خالتي حياة وعمي سلمان اكيد!

سعاد: ومنو غيرهم ... الله يصلح حالهم بس ويطخون شوي

فاطمه: ان شاء الله .. انزين يمه اليوم بيت خالتي ليلى؟

سعاد: ايي ان شاء الله ...( وتروح الصاله وتشغل التلفزيون وفاطمه وراها)

فاطمه: انزين متى بنروح؟

سعاد واهي تقلب بالقنوات: بعد صلاة المغرب ان شاء الله روحي نامي حبيبتي هذي قعدتج من الصبح .. (وتطالعها وجنها تذكرت) .. صج سويتي بالامتحان؟؟

فاطمه : الحمدلله زين بس انتي لا توقفين دعواتج الحلوه ..( وتبوس امها) .. يلا بروح انام لي حطيتو الغدا نادوني

سعاد: ان شاء الله يمه

تصعد فاطمه الدري واهي تغني اغنية عبدالمجيد " كنت اشوفك من قريب مع جميع الناس عادي.. ماتخيلتك حبيب رايح بقلبي وغادي .." وتدخل على ندى اختها تلقاها مجابله الكمبيوتر وحاطه الهيدفون على اذونها ومندمجه تكتب ولاحست بفاطمه اللي طلعت وسكرت الباب، وتدخل غرفتها بدلت وانسدحت على سريرها وتفكر ان اليوم بتروح بيت خالتها ليلى يعني سعود آآآآآه ياسعود تدري اني احبك ولا لا ؟؟ انزين انت تحبني؟ تصرفاتك أي بس لسانك ليش ما ينطق؟؟؟ افففففف الله يصبرني علييييييييييك وتغطت ونامت.

في بيت الخاله ليلى ام سعود قاعدين بدر وبدور اتعس توأم على الارض دايماً مختلفين ويتناجرون

بدور من الصاله اللي فوق تصرخ: يمممممممممه شوفي ولدج!!!!!!!!!

بدر يقلدها: يمه شوفي ولدج ... دلوعه

بدور تصرخ: انت شتبي الحين؟؟؟

بدر: قلت لج ابي الكمبيوتر من متى قاعده الكرسي قام يصيح بسج قومي ماشبعتي اصابعج ما قامت تعورج من الكيبورد رحمي حالج وقومي مشطي شعرج .. (ويعفس شعرها بايده)

بدور توخر ايده: مالك شغل فيني ان شاء الله اخيس هني مابقوم روح اخذ لاب توب سعود

بدور: وليش انتي ما تاخذينه؟؟

بدور: لاني قعدت هني اول والحين روح لانك شوشت افكاري والله مادري شنو قاعده اكتب حق البنيه

بدر يطالع الشاشه: ليش منو تكلمين؟؟ ( ويقرا النك النيم بالمسنجر) من وقت لي وقت افكر بصمت .. اوووووووووو عشيقة عبدالله رويشد خخخخخخخخ

بدور: بدرووه بتوخر من هني ولا انادي لك امي الحين

بدر: انزين بس اول قوليلها اغاني عبدالله رويشد مو حلوه خل نضحك شوي

بدور: ..................... ما ترد ومندمجه بالكتابه

بدر يطقها على راسها: صمخه انتي ما تسمعين؟؟

بدور تصرخ:آآآآآآآآآآآآييي بلى سمعتك سمعتك يالسخيييف

بدر: وليش ما تقولين لها؟

بدور: لان ادري فيك بس تبي تضايق ندى باي شي وانا مالي خلقك عندنا سالفه خاصه (وتقوم من الكرسي وتدزه) .. يلا يلا ماما روح العب مكان ثاني

بدر: ماشيييييييييي اوريج وين بتروحين مني

بدور تأشر له بمعنى روح روح .. وراح بدر دار سعود خذى اللاب توب وشبك عالمسنجر وقعد يطفر ندى وبدور ويأذيهم لما خلاهم يفصلون ثنتينهم من حنته واستلمو التلفون يكملون سوالفهم .. ندى اخت فاطمه اهي وبدور ربع ثنتينهم نفس الميول والافكار ..

بدور: انزين ندوووش اشوفج اليوم بيت خالتي ليلى بقوم ابوي يي وبيحطون الغدا

ندى: انزين بس عفيه بدور مو تنسين السي دي عفيه ابيه ضروري

بدور: لا لا ما بنسى بقوم احطه الحين بجنطة امي

ندى: اوكي يلا باي

بدور: بايات .. وسكرت

ليلى تنادي: بدوور .. بدر .. شوووق يلا يمه الغدا

نزلت شوق ووراها بدر وبدور يدزون بعض كل واحد يبي ينزل قبل لما بدر دز بدور على شوق على الطوفه ونزل

شوق: آآآآآآآآآآي يعلكم شقول يهال انتو يهال!!!

بدور: اهو بدى ..انا اوريك ان ما قلت حق ابوي يا حمار

بدر يدخل الصاله ولا جنه مسوي شي : السلام عليكم

ابراهيم وليلى: عليم السلام .. (ابراهيم ابوهم)

ابراهيم: من ويهك واسلوبك المؤدب مبين مسوي بلوه

وتدخل بدور: يبه شفت بدر دزاني انا وشوق من عالدري بغينا نطيح ونتكسر

بدر يقاطعها: شدعووووووه بغيتي تتكسرين بعدين سلمي قبل استحي

بدور: مالك شغل انت انا اكلم ابوي

ابراهيم: بعرف انتو ما تكبرون؟؟ انا بكلم وزير التربيه يعيد الامتحانات علشان تلهون شوي عن بعض بالدراسه والله قبل اسبوع كان هدوء

وتدخل شوق : السلام عليكم

الكل: عليكم السلام

شوق: والله يبه لازم تشوف حل فيهم انا اقترح مدرسه داخليه

ليلى: هههههههههه تصدقين خوش فكره

بدور وشوي بتصيح: لا والله لي هالدرجه !!!

ابراهيم وبعده يضحك على فكرة شوق: هههههههههه لا يبه اسم الله عليكم تتغشمر اختج شفيج .. مهما تسوون من مشاكل تظلون عيالي غاليين علي وايد بس انتو خففو شوي علينا انا وامكم كبرنا ترى مو حمل هواشكم

ليلى شهقت: لالالالالالا عيوني اكبر بروحك انا بعدي شبااااااااب

الكل: هههههههههههههههههههههههههه

بدر: صج يمه جم عمرج؟؟

ليلى واهي تحط العيش بصحن ابراهيم: اممممم تقريباً 35

شوق: هههههه يمه اذا خالي يوسف 33 وقبله خالتي حياة و...

ليلى تقاطعها بعصبيه: اكلي وانتي ساكته يلا خلاص

الكل: ههههههههههههههههههههههه

ابراهيم: ههههه والله يا ليوول لو وين يوصل العمر تظلين حبيبة قلبي الاولى والاخيره

بدور وشوق مع بعض: يا عيييينيييي عالحبببببببب

الكل: ههههههههههههههههههههه

ابراهيم: الا وين سعود؟

ليلى: خنت حيلي على سعود الله قرده بهالدوام .. عنده زام العصر اليوم ودق قالي بيتغدى مع مشاري ويرجع البنك مره ثانيه ما يمديه يرد مشرف ويرد يروح الشويخ مره ثانيه

ابراهيم: الله يعينه ..يلا بعده شباب خل يشتغل على روحه وراه زواج ومصاريف باجر ان شاءالله

ليلى بفرح وتروفع ايدها: ان شاااااءالله يارب وازوجه شيخة البنات اللي تسعده وتهنيه .. يلا يمه سمو بسم الله وتغدو

::يتبــــع::

(1) لاتضيعنــي

الساعه 7:15 الصبـح بداية شهر 6 المفروض بداية الصيف بس طبعاً بديرتنا ما عندنا هالسوالف الحر حر والشوارع زحمممممه مو طبيعيه فتره امتحانات نهاية السنه يعني اللي مودي مدارس واللي رايح جامعته هذا غير الدوامات ...

فاطمه تتلكم بالتلفون: والله سكتي مادري حدي خايفه احس المعلومات كلها طاااااااارت الله يستر ادعيلي سويره

ساره: الله يوفقج حبيبتي خلاص انتي مو درستي ليش تحاتين!! سوي اللي عليج وبس خلاص

فاطمه: يا برد اعصابج اقولج احصااء امتحان احصاء يعني قوانين وارقام وزفت وانتي تدرين انا ...

ساره تقاطعها: شكثر تكرهييييييييين الارقااااااااام .. ادري ادري فطوم والله حفظت هالقصه، بس شتبين اقولج ازيد خوفج واقولج امبيه يويلج شكلج بتاخذين F...

فاطمه تقاطعها: فااااااااال الله ولا فالج ناقصتج انا من صباح الله خير قولي كلمه عدله

ساره: اففففف فطوم ترى عورتي راسي لاجذي عاجبج ولاجذي عاجبج مو كفايه مقعدتني من الصبح!!!!

فاطمه: زين زين خلاص مابي منج شي رجعي خمدي مالت عليج انا غلطانه اكلم ناس خلصت امتحانات .. (بصوت واطي) مصيبه.

ساره: ههههههههه سمعتج يالهبله .. حبيبتي المحتره والله

فاطمه: بس جب جب مابي منج عطف واحسان روحي خمدي مالت عليج

ساره: انزين لحظه بتيين اليوم بيت عمتي ليلى؟؟

فاطمه: مادري بشوف

ساره تقلدها: مادري بشوف .. يعني تكون الاخت تفكر اخاف بس ما بتيين .... والله شكلج بتروحين قبلنا

فاطمه: سويره تعرفين تنجعمين؟

ساره تغني: سعووود طاف من الشهر خمـ....

فاطمه تقاطعها: يا حماره ياحماره اوريج بس اشوفج

وسكرت التلفون وساره ميته من الضحك عليها ... فاطمه وسعود عيال خاله والكل يدري انهم ميالين لبعض شوي بس مو مبينين حتى لبعض بس تصرفاتهم فاضحتهم

فاطمه تكبر عالتكييف مال السياره: واااي ياربي شهالحر استغفرالله ... الله يعافي اللي اخترع التكييف ولا جان احنا مشويين من زمااان .. (تطالع السياره اللي يمها فيها صبي وترجع )

يابختك لا شيله ولا جم طويل احنا اللي ماكلينها بهالحر ... وتسكت تفكر بكلام ساره وتضحك على ردة فعلها

وصلت فاطمه الجامعه اهي تدرس بكلية العلوم الاداريه تخصص تنظيم وادارة اعمال وبيني وبينكم اهي تخصصت هالتخصص بس تبي توخر عن الارقام والحسابات لانها تعتبرهم كابوس بس مادة الاحصاء الزاميه على كل التخصصات يعني شر لابد منه، تدخل فاطمه المبنى مال القاعات ورفيجاتها ريم ومنى يأشرون لها من بعيد ..

فاطمه تهف على ويها بالاوراق: صباح الخير جميعاً

ريم ومنى: صباح النور...

ريم واهي رفيجة فاطمه حيـل: فطوم هههههه مستويه من الحر حدددددج

فاطمه: اففف لاتذكريني والله يوم دخلت المبنى بغيت اسجد سجدة الشكر بس فشله جدام الشباب

ريم ومنى: ههههههههههههههه

ريم: انزين يلا امشو نروح القاعه نراجع شوي

فاطمه: لا لا عفيه ريووم الله يخليج مابي اراجع اخاف اتلخبط

منى : يمه منج انتي كل امتحان جذي .. (وتقلد صوت فاطمه).. اخاف اتلخبط ما درست زين ..لا ولما تطلع من الامتحان امبيييييييه هببت هببت واهي اعلى معدل و...

فاطمه تقاطعها: بسم الله علي الرحمن قولي ماشاءالله يا ام عيون حاره

ريم: ههههههههههههههههههههه ماكو فايده فيكم من الثانويه وانتو هذا حالكم كله نجره ما كبرتو؟!!

منى:انا شقلت الحين اهي كلتني ... بروح اييب لي قهوه من ستاربكس تبون شي

فاطمه بنفس: مانبي منج شي

ريم: لا مشكوره حبيبتي انا مابي

منى: زين نطروني مو تروحون ...

وراحت منى وظلو فاطمه وريم ينطرونها لحد ما يت وراحو القاعه وقعدو ريم ومنى يراجعون وفاطمه مسكره اذونها علشان لاتسمع شي يلخبطها بعدين فجأه ...

فاطمه: بس بس بسسسسس والله حرام عليكم سكتو

ريم: فطوم شفيج خل نراجع القوانين

فاطمه: ريوم والله احس مخي بينفجر ..( جان تقوم) .. بروح انادي المعيده اقولها نبي الامتحان يلا

منى: ام قلييييييييييب الا قولي بتروحين تسألينها

فاطمه تطالع ريم وتأشر على منى: هذي تستهبل ولا شكلها جذي

ريم : ههههههههههههههههه

منى: انا بسكت عنج بس علشان وراي امتحان مابي اعصابي تتوتر

فاطمه: اسم الله على اعصابج يالرقيقه ... (ويقطع كلامها صوت تلفونها يرن )

فاطمه ترد: اهليييييييين شوااقه .. (شوق هذي اخت سعود يعني بنت خالة فاطمه)

شوق: هلا فطوم شخبارج ؟؟ وينج؟؟

فاطمه: بالقاعه انطر امتحاني

شوق: اييييييييييييييي صح نسيت عندج امتحان

فاطمه: ليش انتي ماعندج؟

شوق: بلى عندي بس حسبت انتي خلصتي مو قلتي الاحد ادارة تسويق؟ شنو امتحانج اليوم؟

فاطمه تغمض عيونها: اففففففففف لا تذكريني

شوق: بس بس بس احصاء عرفت من النفخه بغيتي تطيريني

فاطمه: شسوي تكفه شواقه ادعيلي

شوق: حبيبتي الله يوفقج ويسهل عليج .. الساعه جم امتحانج؟

فاطمه تطالع الساعه: ثمان باقي 10 دقايق ...( وترد تصرخ جنها توها تنتبه) .. عشر دقايق!!!! امبيه شوق باقي عشر دقايق!!!

شوق: فطووووم اسم الله عليج شفيج مو دارسه

فاطمه: بلى دارسه بس انتي تدرين انا...

شوق تقطع كلامها: شكثر تكرهين الارقام حفظناها فطمو انتي سوي اللي عليج والباجي على الله .. انزين لا تنسين اليوم في بيتنا القعده

فاطمه: ادري قالتلي ساره

شوق: انزين يلا اشوفج اليوم بدخل القاعه .. باي

فاطمه: اوكي باي

ريم: شوق شنو امتحانها؟

فاطمه: تصدقين ما سألتها !

المعيده تقطع الحديث: صباح الخيـــر يلا ياحلوين عند الامتحان يكرم المرء او يهان

فاطمه: والله شكلي يهان ويهان وانا اضحك بعد

منى وريم: ههههههههههههههههههههه

المعيده : يلا أي نوت أي ورقه على الطاوله بره والتلفونات تتسكررررر لو سمحتو يلا ترى كله من وقتكم

توزعت الاوراق وابتدى الكل يحل بهدوء .. كان الامتحان زين يعني ابشركم فاطمه عرفت تحل بس مرات شوي تسرح وتتذكر ان اليوم بيت خالتها ليلى وبيكون هناك سعود وتفكر وترجع عينها على الورقه وترجع تحل لما خلصت ..

بره القاعه كانت واقفه ريم تنطر فاطمه ومنى طلعت من زمان ومشت ، فاطمه طلعت من القاعه

ريم: هاا بشري فطوم

فاطمه: الحمدلله حليت ما خليت شي فاضي ..قلبي ارتاااح احس ابي انااام

ريم: يلا الحمدلله ... خلاص خلينا نروح عيل

فاطمه: يلا ... اففف بقى امتحان واحد ونخلص

ريم: ايي واشوه سهل اقصاه ادارة تسويق حتى ما يندرس

فاطمه: ايي الحمدلله

ريم: بتطلعين مكان اليوم فطوم؟

فاطمه: اليوم والله بنروح بيت خالتي ليلى

ريم بنظرة خبث: اهااااااااااااا

فطمه تقلدها: اهااااا ... شنو شنو شتبين ترى مو ناقصتج كفايه سويره علي

ريم: هههههههههههههههههه شفيج شدعوه ماتغشمر يعني صايره جبريت اليوم كل هذا ليش بتشوفين سعووووووووووووووووود

فاطمه تطقها بالجنطه : انا غبيه اللي اقولج أي شي مره ثانيه .. (وتمشي بسرعه تطلع من المبنى رايحه صوب سيارتها)

ريم: ههههههه وقفي يالهبله فطووووم ...( وتلحقها لما وصلت لها)

فاطمه تفتح باب سيارتها وتحذف جنطتها على الكشن الثاني وتركب وتوصل لها ريم تمسك الباب

ريم: وقفي وقفي لا يكون زعلتي صج؟؟ فطوم شفيج يالكريهه

فاطمه: .......... (ماترد يعني معصبه)

ريم: فطوم والله اتغشمر معاج شفيج وغلاتي عندج فطوم يلا عاد

فاطمه: زين زين سامحتج خلاص ذلفي اشوفج الاحد

ريم: هههه هبله .. يلا على خير حبيبتي سلمي على خالتي وشوق وسويره

فاطمه: يوصل حبيبتي ..يلا وخري وراي طريج لي مشرف يلا باااي

ريم: الله وياج باي

:: يتبـــع ::

شر لابــــــد منه

اليوم الله يسلمكم وبعد تفكير طويــــــل قررت اروح مع زوجي ناخذ خدامه
من الصبح وانا على اعصابي لاني اكره الخدم بس شسوي
لو مو الدوام وخالد ولدي ولا جان ولا ابيها ولا بحاجتها
المهم رحنا حولي مجمع الرميح دخلنا المجمع ..
زوجي: شنو اسمه المكتب؟؟
انا: مكتب القلاف .. شوف اسال هذا اللي واقف
زوجي: لو سمحت
المصري بدون مناقشه: الخدم بالسرداب
زوجي: ماشاءالله عليك جاوبت قبل لا اسالك
المصري: اصل كل اللي بييجو هنا علشان الخدم

وصج من رحنا صوب الدري الاوادم نازلين صاعدين جنا داشين مجمع الوزارات
والخدم قاعدين وجناط مقططه عالارض دخلنا المكتب
زوجي: السلام عليكم
الموظفه: سلام .. شنو يبي
انا: ابي اشوف خدامه
الموظفه: اول مره
انا: اي والله اول مره (احسب تقصدني انا اول مره اطلب)
الموظفه تعطيني مثل بطاقات فيهم صور ومعلومات: هذا اول مره
انا طاقتني البوهه: شنو؟ .. لالا ابي مشتغله (اثاري اول مره يعني مو مشتغله من قبل)

وتعطيني كووود بطاقات فيهم صورة الخدامه ومعلومات عنها الله لا يوريكم
جنهم مطلوبين للعداله هذا غير تعليق زوجي اللي عفسني زياده
والحوله حوله والعوره عوره استغفرالله يا ربي الحمدلله والشكر ومع التقلب دشو ثنتين
الاولى: سلام عندج مسترجعات؟
الموظفه: لا مدام مافي
الاولى: انزين شنو فيه؟؟
الموظفه: اندونيسي فلبيني اثيوبي
الثانيه: لا لا مانبي اثيوبي الله ياخذهم (وتلف علي) والله يبنا ثنتين اثيوبيات الله وكيلج كله هووااااش لما اخر شي تطاققو بالجدور رديناهم عمى بعينهم لا تاخذين اثيوبيه
انا بكل براءه: لا باخذ اندونيسيه
الاولى تكلم الموظفه: اشوف اندونيسي اول مره (عندها خبره)

واهم يطالعون انا ماسكه بطاقة ثنتين اناقش زوجي فيهم جان ..
الاولى: طالعي هذا بذمتج مو جنها اللي ذبحت البنيه
الثانيه: سكتي بروح المسكينه يايه تاخذ حق ولدها تسوين لها رعب (عني انا)
انا: اي والله بروحي خايفه
الثانيه: لا توكلي على الله .. بس ليش ماتاخذين فلبينيه احسن لج حق اليهال
انا: مادري ..(اكلم الموظفه) اشوف الفلبينيات

واشوف ولا الصور ... جنهم فنانات التنانير القصار والشعر مفلول مبين عليهم مو هينين قلت يا بنت الحلال ردي على المساجين احسن لج
ورديت اجيك عليهم جود الخوات طلعو وانا وزوجي تنناقش ونقارن ونشوف
دشت وحده عيوزه ..
العيوزه: سلام يمه
الموظفه: سلام مدام
العيوزه: انا يبي واحد يطبخ زين
الموظفه: كله يطبخ مدام
العيوزه: انزين يمه شوفي لي واحد خدامه اندونيسي زين (وتغمزلي) ما عليج هالمكاتب ملاعين يعرفون اي وحده الزينه (يعني صايدتهم الحجيه)

ابتسمت ورديت على اللي بايدي ..
انا: ها شرايك ؟؟
زوجي: كيفج اللي يريحج
انا: هذي مشتغله بالكويت
زوجي: جنها احسن من هذيج عالاقل مو متزوجه لا تأذينا مع ريلها وعيالها
انا: خلاص نتوكل على الله
زوجي: يلا

وتوكلنا على الله واخترنا الاخت ايرني شكلها مقبول شوي ومشتغله بالكويت 3 سنين وبالبحرين سنتين وبالامارات سنه
وعمرها 27 ومو متزوجه بعد شهر ونص توصل .. الله يعيني وان شاء الله تطلع خوش وحده
المهم تطلع زينه حق حبحوب ماما خلود

والله ما ودي ادخل شقتي خدامه تحوس بيني وبين زوجي وتشيل وتحط في ولدي
بس شسوي .. شر لابد منه

¦¤~ لاتضيعنــي ~¤¦

من باجر باذن الله اول حلقه معاكم
وان شاء الله تعجبكم

Me, My sis & the blog

yom elyem3a zwartna beet ahly.. kelna ga3deen elly ysolef elly y7oos ebtalefona .. oboy ywaze3 bard (ice cream) welyahal 9ee7a warah, 5alo kel hatha 3la 9oob oo 5aloona nrakez shway bel9ala ..
ra7 nshoof wa7da eb7alha malha she'3l eb a7ad ma5tha laha zawya negdar ngool halzawya as her home takel feeha oo teshrab feeha oo marat tnam feeha, 7a6a hal6awla oo mjabla her laptop
halwa7da mino???
'
'
My SiS Ghadoor
yeet ga3adt yamha 6al3t elscreen malt el-laptop shft shay awal marrah ashoofa
so .. i asked her

• Me: shga3da tsaween??
• Ghadoor typing: akalem Jouja
• Me: shino hatha?
• Ghadoor: ooofffffffff ga3da anazel movie
• Me: ya '3abeya aq9ed elsite .. shino halsite????
• Ghadoor with abig smile: eeee ma gelt lech 9ert blogger
• Me: shino ya3ny??
• Ghadoor: ya3ny 9ar 3endy blog
• Me: shino ya3ny??
• Ghadoor ta5thny 3la gad tafkeery: ya3ny hatha my site like aforum akteb feeh asawy feeh elly aby
• Me: ahaaa
• Ghadoor: tabeen asawelech??
• Me: ma 3endy wagt 7ag halsewalef kfaya 3lay 5alood (my baby)
• Ghadoor: tra wanasa .. enty mo taktbeen stories
• Me: ee
• Ghadoor: 5ala9 7e6ehom .. oo kel ma fe'9ety 7e6y post 3n ay shy
• Me: ay shy!!
• My sis: ay shy .. asawelech??
  
• Me: ok .. sawy shwarana

oo chethe 9ert Blogger .. oo entaw shloon 9erto Bloggers??